Hádegistónleikar á Föstu.

Listvinafélag Hallgrímskirkju stendur fyrir mánaðarlegum hádegistónleikum þetta starfsárið þar sem Björn Steinar Sólbergsson, organisti Hallgrímskirkju mun m.a. flytja Orgelbüchlein  eftir Johann Sebastian Bach í heild í tengslum við kirkjuárið.

Laugardaginn, 9. apríl verða tónleikarnir í þessari tónleikaröð og bera þeir yfirskriftina „Fastan“.
Þá mun Björn Steinar einnig flytja Allegro úr orgelsinfóníu nr. 2 eftir franska tónskáldið Louis Vierne.
 
Sr.Jón Dalbú Hróbjartsson mun flytja ávarp og lesa úr ritningunni.
 
Aðgangur er ókeypis en tekið er við frjálsum framlögum við kirkjudyr til styrktar Listvinafélagi Hallgrímskirkju.