Sálmafoss í Hallgrímskirkju

Menningarnótt 2011

Sálmafoss Á Menningarnótt  Kl. 19:30 - 20:00
Björn Steinar Sólbergsson,
organisti við Hallgrímskirkju, leikur á orgel

Á menningarnótt, þann 20. ágúst næstkomandi verður mikið um að vera í Hallgrímskirkju.

Frá klukkan 15.00 til 21.00 verður samfelld tónlistardagskrá undir yfirskriftinni “Sálmafoss”, þar sem kirkjukórar og organistar flytja fjölbreytta kirkjutónlist og leiða kirkjugesti í sálmasöng.
Við upphaf dagskrárinnar kl. 15.00 verða frumfluttir fimm nýir sálmar eftir íslensk ljóð- og tónskáld, sem Tónmenntasjóður kirkjunnar pantaði á síðasta ári. Verkefnið kallast “Sálmur 2011″ en þetta er í þriðja skipti sem Tónmenntasjóðurinn sinnir verkefni af þessu tagi.

Sálmarnir sem nú verða frumfluttir eru:
“Mín er bæn” eftir Magnús Þór Sigmundsson, “Lifandi vatnið” eftir Sigurð Pálsson og Ragnheiði Gröndal, “Rennur upp um nótt” eftir Ísak Harðarson og Hróðmar I. Sigurbjörnsson, “Sálmur” eftir Iðunni Steinsdóttur og Hreiðar Inga Þorsteinsson og “Játning” eftir Steinunni Jóhannesdóttur og Elínu Gunnlaugsdóttur.

Mótettukór Hallgrímskirkju frumflytur sálmana undir stjórn Arngerðar Maríu Árnadóttur en einnig munu Magnús Þór og Ragnheiður Gröndal flytja sína eigin sálma.

Björn Steinar Sólbergsson leikur með á orgel.

http://kirkjan.is/2011/08/fimm-salmar-frumfluttir-a-salmafossi/