16.desember kl. 17

Jólatónlistarhátíð Hallgrímskirkju heldur áfram með orgeltónleikum Björns Steinar Sólbergssonar nk. sunnudag 16. desember kl. 17. Þar leikur hann fjölbreytt og litrík jólaverk fyrir orgel, sem byggja flest á þekktum jólalögum sem allir kannast við. Það verður því auðvelt að komast í jólaskap í Hallgrímskirkju með Klaisorgelinu á þessum tónleikum! Efnisskrá tónleikana birtir sýn tónskálda 19. og 20. aldarinnar á helgi jólanna, þar sem bregður fyrir þekktum jólalögum eins og; Sjá, himins opnast hlið, Guðs Kristni í heimi, Englakór frá himnahöll, Það aldin út er sprungið o.fl.Þar má heyra Sigfried Karg-Elert: In dulci jubilo-Choral Improvisationen op. 75 nr. 2, sálmafantasíu í frjálsu formi yfir jólalagið Sjá, himins opnast hlið og úr verkinu La Nativité du Seigneur „Fæðing Freslsarans“ eftir Messiaen, sem er án efa þekktasta og mest leikna verk sem Messiaen samdi fyrir orgel. Pastorale eða hjarðljóð úr 1. sinfóníu Alexandre Guilmant í d-moll er einnig á efnisskránni ásamt 'Veni Emmanuel' (Kom þú, kom, vor Immanúel) eftir breska tónskáldið Andrew Carter og Það aldin út er sprungið eftir Johannes Brahms. Í Rhapsodie sur des Noëls fléttar franska tónskáldið Eugéne Gigout saman vinsælum jólalögum. Þessir tónleikar verða síðustu orgeltónleikarnir með Klaisorgelinu, áður en það gengst undir hreinsun og endurbætur í byrjun næsta árs. Þann 13. desember voru 20 ár liðin frá vígslu orgelsins. Tuttugu ára afmælis Klaisorgelsins verður fagnað í byrjun mars n.k., að lokinni vinnu orgelsmiða frá Bonn. Miðaverð á tónleikana er 2500 kr.en nemendur og listvinir greiða 1000 kr. Miðasala er í Hallgrímskirkju, s. 510 1000, opið 9-17 alla daga.