Lokatónleikar Alþjóðlegs Orgelsumars 2013 11.ágúst kl. 17

Laugardagur 10. ágúst: Alþjóðlegt orgelsumar: Hádegistónleikar kl. 12.00 – 12.30. Björn Steinar Sólbergsson organisti Hallgrímskirkju leikur.

Björn Steinar leikur Passacaglia í d-moll eftir Dietrich Buxtehude, sálmforleikinn Jesú, mín morgunstjarna eftir Jón Þórarinsson og sálmforleikinn Lofið Guð, ó lýðir göfgið hann eftir Þorkel Sigurbjörnsson og að lokum Passacaglia eftir Johann Sebastian Bach. Aðgangseyrir á laugardagstónleikana er kr. 1.700.

Lokatónleikar Alþjóðlegs Orgelsumars 2013 verða síðan á sunnudaginn 11. ágúst og hefjast kl. 17:00. Þar leikur Björn Steinar Sólbergsson efnisskrá sem tengist dansi á einn eða annan hátt. Efnisskráin samanstendur af: Brúðkaupsdagur á Troldhaugen, eitt af heimsþekktu verkum Edward Grieg, Rímnadansar Jóns Leifs ogIntermezzo Páls Ísólfssonar í orgelsútsetningum Björns, Brúðarmars frá Jämtland eftir Gunnar Idenstram, Ballo del granduca eftir J. P. Sweelinck, og The Dance of the Shulamite og Wedding in Cana eftir Petr Eben undir áhrifum frá textum úr Biblíunni. Aðgangseyrir er kr. 2.500.