Orgelið og aðventan, Klais-orgelið 21. árs!

Fréttatilkynning frá Listvinafélagi Hallgrímskirkju.

Orgelið og aðventan, Klais-orgelið 21. árs!

Jólatónlistarhátíð Hallgrímskirkju heldur áfram með orgeltónleikum Björns Steinars Sólbergssonar, organista við Hallgrímskirkju, föstudaginn 13. desember kl. 12.00

Á þessum hálftíma löngu hádegistónleikum á vígsludegi Klaisorgelsins flytur Björn Steinar orgelverk eftir J.S. Bach, Andrew Carter og César Franck tengd aðventu og jólum.

Miðasala er við innganginn og er miðaverð 1500 kr. en ókeypis fyrir listvini.

Björn Steinar Sólbergsson er organisti við Hallgrímskirkju í Reykjavík og tekur virkan þátt í blómlegu listastarfi kirkjunnar. Hann er einnig skólastjóri við Tónskóla Þjóðkirkjunnar þar sem hann kennir jafnframt orgelleik.