Alþjóðlegt orgelsumar í Hallgrímskirkju 2017 / International Organ Summer 2017.

Á Alþjóðlegu orgelsumri 2017, sem nú er haldið 25. sumarið í röð koma fram afburða konsertorganistar í fremstu röð frá ýmsum löndum. Helgina 24.-25. júní leikur Björn Steinar Sólbergsson á Klais orgel Hallgrímskirkju. Björn Steinar er einn færasti organisti landsins. Á efnisskrá hans að þessu sinni eru fjölbreytt verk eftir Messiaen, Bach, Zachow, Tournemire og Pál Ísólfsson en einnig verður frumflutningur á Orgelfantasíu eftir Steingrím Þórhallsson.
Miðasala fer fram við innganginn klukkustundu fyrir tónleika og á midi.is.
Miðaverð er 2500 krónur.
Listvinafélag Hallgrímskirkju

---------------

EFNISSKRÁ:
25. júní kl. 17.00:

Olivier Messiaen 1908‒1991
Apparition de l‘eglise éternelle

Johann Sebastian Bach 1685–1750
Prelúdía og fúga í Es-dúr, BWV 552

Lúther sálmar
Friederich Wilhelm Zachow 1685‒1712
Aus tiefer Not schrei ich zu dir LV 27
Wir glauben all‘ an einen Gott LV 15

Johann Sebastian Bach
Vom Himmel hoch, da kommm ich her BWV 738
Ein feste Burg ist unser Gott BWV 720

Steingrímur Þórhallsson *1974 Orgelfantasía um
Vor Guð er borg á bjargi traust / A Mighty Fortress Is Our God, 2017

Páll Ísólfsson 1893‒1974 Intermezzo
Umr. / Trans.: Björn Steinar Sólbergsson

Charles Tournemire 1870‒1939
Improvisation sur le Te Deum

Björn Steinar Sólbergsson er organisti við Hallgrímskirkju í Reykjavík og einnig skólastjóri og orgelkennari við Tónskóla Þjóðkirkjunnar. Björn Steinar stundaði framhaldsnám á Ítalíu og í Frakklandi, útskrifaðist frá Conservatoire National de Region de Rueil Malmaison árið 1986 með “Prix de virtuosité”. Hann starfaði sem organisti við Akureyrarkirkju í 20 ár þar sem hann vann markvisst að uppbyggingu tónlistarstarfs við kirkjuna. Björn Steinar hefur haldið fjölda einleikstónleika hér heima, á öllum Norðurlöndunum, í Evrópu og Norður-Ameríku. Hann hefur leikið einleik með sinfóníuhljómsveitum innanlands og utan og hljóðritað geislaplötur, m.a. öll orgelverk Páls Ísólfssonar og orgelkonsert Jóns Leifs (BIS) sem hlaut einróma lof gagnrýnenda. Björn Steinar hlaut Menningarverðlaun DV 1999, Íslensku bjartsýnisverðlaunin 2001 og var valinn bæjarlistamaður Akureyrar 2002. Hann hlaut Listamannalaun 1999 og 2015. Á árinu 2017 kemur Björn Steinar fram á tónleikum á Íslandi, Noregi, Danmörku og Þýskalandi.